當年今日

  屈臣氏好厚顏 - 李八方

蘋果日報 2002/03/30 00:00


日前經過屈臣氏,見到門口貼住個《蘋果》印花,話歡迎使用此券,有優惠。於是行埋去睇睇,原來,個印花係《蘋果》同萬寧合作搞之推廣活動,憑印花去萬寧買指定貨品,有額外折扣。
八方都佩服屈臣氏反應咁快,你平我又平,你個印花我一樣接受。商場如戰場,冇所謂面皮厚,呢點真係要學習。
八方返到公司,見到市場部同事,正想恭喜佢哋個優惠活動咁成功,點知佢哋媽媽聲。原來有啲屈臣氏分店更厚顏,竟然剪咗《蘋果》報頭同啲印花,單係貼中間嘅商品折扣廣告出嚟,激到佢哋一把火。八方就安慰佢哋,如果唔係你哋掂,對人有威脅,人家使乜出啲咁嘅招數呢?
(圖)屈臣氏反應快,一於你平我又平,你個印花我一樣接受,呢點真係要學習。


E-mail:[email protected]