【傘運5周年】親睹示威者「傷得好離譜」 醫護怒轟林鄭對話會講廢話拖延運動
蘋果日報 2019/09/28 20:26
佔領中環公民抗命引渡惡法
任職醫護人員的陳小姐與丈夫一早到場，她怒斥林鄭是「錄音機」，更透露自己在醫院見過示威者傷勢，形容傷得「好離譜」
雨傘運動5周年大批穿黑衣市民到添馬公園參加集會，不少人斥特首林鄭月娥搞對話會拖延，無視市民的訴求。任職醫護人員的陳小姐與丈夫一早到場，她怒斥林鄭是「錄音機」，「佢（林鄭）已經講咗三個月，我唔相信五大訴求佢聽唔到囉，但佢都無回應我哋」，亦表明對林鄭至今的回應並不收貨，「佢都無回應而家警暴嘅問題，有眼嘅人都見到警察係好過份，警察有權拉示威者，但無權拉咗之後係咁毆、係咁毆（被捕者）個頭」，她透露自己在醫院見過示威者傷勢，形容傷得「好離譜」，作為醫護更應該發聲，提及示威者傷勢時她更一度哽咽，強調一日未能爭取五大訴求，「我一日都會繼續出嚟」。
退休的陳先生與太太同樣對於所謂對話會極度不滿：「我諗無一個香港人會滿意」。陳太怒轟林鄭在對話會內根本未有回應問題，「只係發問者自己講問題」，「佢搞呢個咪又係政治騷囉，浪費香港人時間囉」；陳先生則批評林鄭的政治騷影響整個社區的人，學生要提早放學，又要出動3,000警力，認為對話會只是拖延時間，「林鄭不如盡快回應訴求，如果唔係完全無意思，不如唔好搞喇」。
楊先生直言因為林鄭在對話會「講廢話」，令他認為必須參與集會，舉例指林鄭稱停用新屋嶺拘留所，「新屋嶺只係個地方，入面發生嘅嘢先係重點，停用有咩用呢？根本就係咩都無改變，為對話而對話，然後出動3,000個防暴警察，你可以見到係根本無改善」。他續指，特區政府根本不能作任何決定，政府展開對話只因「無其他辦法」，只能通過對話拖延，「五大訴求講咗幾個月喇，你（特區政府）唔知咩？你知但係唔做之嘛」，他稱在回能五大訴求前，他會續參與合法的集會表達意見，但認為集會中不應揮動港英旗或外國國旗。
黃小姐則認為，政府只撤回修例不足以回應民意，而對話會亦只是重複之前的言論，無助解決目前的困局，作用只是「公關騷」。同場的鄧先生認為，政府使用拖延策略，目的是消耗民氣，亦令中間派轉向，但他們不會收貨，會繼續堅持參與集會。
-----------------------------
10.1國殤遊行
日期：10月1日（星期二）
時間：下午2時
地點：維園集合起步往遮打道
註︰警方正式發信反對
時間：下午2時
地點：維園集合起步往遮打道
註︰警方正式發信反對
楊先生認為特區政府根本不能作任何決定，政府展開對話只因「無其他辦法」，只能通過對話拖延。
退休的陳先生與太太怒轟林鄭在對話會內根本未有回應問題，認為對話會只是拖延時間。