郭富城今日會到中環參加電動方程式（Formula E），「城嫂」方媛（ Moka ）亦親到香港支持男友，着住黑色背心、黑帽同戴住太陽眼鏡嘅佢，由工作人員陪同下步出休息室。

Moka見到記者都好友善咁停吓來俾記者影相，問到佢係咪特登嚟支持城城？佢甜笑話：「梗係啦！都希望佢能夠攞到冠軍！」咁再問佢賽事完咗之後，會唔會同城城四周圍去玩吓？Moka話：「要睇工作安排。」

咁之前就傳到城城同Moka會喺明年結婚，記者問番女主角，佢就竟然反問番記者：「吓？」記者再追問佢係咪結婚，佢就話要返入去休息室，記者再問佢留喺香港幾日同其他問題，Moka都冇再答記者了。

另外，賭王千金超蓮，負責出任Emotion Club貴賓區宣傳大使，而今日將會出賽嘅藝人之一周柏豪，未比賽前，就趁機同之前傳過緋聞嘅嘅超蓮合照。已返大陸定居嘅李蘊、鍾舒漫鍾舒祺都有支持賽事。