頭場五班1800米，不少人也會吼實新人王丁冠豪之「幸運神駒」，除派馬上陣頭場成績保持不敗外，此駒賽前試泥閘姿態從容兼有勁度，固賠率處於低水也不足為奇。

但暫時丁仔所贏三Win，也同屬識贏之馬，那五歲馬「幸運神駒」過去作賽27次只取三次上名，成為大熱門是否物有所值？

有見及此寧捧已開氣賽駒「火天大有」，上仗轉倉初出已見走勢，增程更合腳法，有分頭自然有值博之道；「盛勢東方」轉馬房後明顯有進步，翌仗再出預期表現會更進。

「糖黐豆」經暑期小休，復課神色亦保持，焦點固之然放於騎練，潘頓及方嘉柏季內繼續保持佳績，今季合作四次未甩三甲，再者遇上天氣不穩，相信年長馬壓場經驗較老練，曾七勝五班的「糖黐豆」出戰首本路程，三甲一席走唔甩。