長實(001)賣樓以橋多見稱,不過有時就幾騎呢。好似近排力谷嘅馬鞍山嵐岸,連納米技術都擺埋上枱,笑死街坊。
網友waynerooney喺《香港討論區》上批評︰「都唔知邊條友度埋啲屎橋,之前sell景都算喇,家吓sell"Nanoliving",正一九唔搭八,完全唔知搞乜!究竟佢知唔知乜嘢係納米呀??細到無倫呀!」
勞氣嘅佢,又逐一駁斥嵐岸嘅宣傳口號︰「貴豪生活──同公屋為鄰?空間大──納米又何來大空間呢?用料豪──長X質素已有公論;淨化美──話引入乜嘢納米光觸煤,買部空氣清新機都得啦!納米付款計劃──係D銀紙要經納米處理,亁淨咗先可買樓,定係供$0.000001/月咁解?」