日本著名女星高畑淳子嘅25歲藝人兒子高畑裕太，2016年8月爆出性侵醜聞，當時佢在群馬縣拍攝電影期間，凌晨在下榻酒店內強暴一名40多歲嘅女性員工，高畑裕太當時要求受害人把牙刷送到房間，繼而把女方壓在床上施暴。

事件連累到其64歲母親高畑淳子代兒子開記者會道歉，母子形象同告受損，而高畑裕太與女事主私下和解後雖不被起訴，但醜聞令佢送上大好事業，失業之餘更要向廣告商及電視台賠上3,750萬港元嘅違約金。

據日本《每日新潮》報道，高畑裕太神隱兩年多，最近再成新聞人物，事關佢前日現身東京一間live house，佢哋一行六人到附近居酒屋繼續狂歡，現場仲有三浦春馬嘅舞蹈員舊愛菅原小春，直指二人已在去年3月開始發展姐弟戀。26歲嘅菅原小春係近年最成功嘅日本舞蹈員，除拍攝不少大牌廣告，大除夕更為《紅白歌唱大賽》到訪德島，與米津玄師到大塚國際美術館合作。

精選娛聞，喺晒《娛果》
http://fb.com/appledailyent