以下是特區政府一則宣佈：「有錢人，你們可以繼續買樓，囤貨等升值。無錢的，唔該繼續等，繼續認命啦！至於啱啱好儲夠首期、或有需要樓換樓、細屋搬大屋的人士，請稍移玉步北望新界，仲要遠離鐵路沿線的新界」。
辣上再加辣招，招招傷及無辜，好一部份港樓真正用家，今天通通都被政策脅持。
一次又一次收緊按揭，導致目前按揭成數已經出現自本港史上最複雜的分層。1000萬元或以上，造五成，700萬元以上，最盡按六成，700萬元或以下繼續七成。
講咁多，即係要借盡七成按揭，樓價不能超過600萬元。600萬元，太古城已無可能，港島近九成地區，機會亦是近零。西九唔得，市區藍籌屋苑，除非你肯買細單位，否則大家齊齊要殺入新界。今天的香港人，在職場上已難有上流力，連在樓市的上流力也被打窒，在政策前因趕結婚趕生仔趕得及取得銀行按揭審批、細樓換大樓者，竟更一額汗頻呼好彩。