王維基嘅香港電視不獲發牌，大批傳媒喺香港電視辦公室外等候港視回應，而港視公關晚上指王維基已離開辦公室，又指港視需要時間了解發牌詳情同作內部討論，今日暫不作回應。

外界都好關心王維基狀況，而佢本人係有微博嘅，但自7月30號之後再冇更新，不過相隔兩個半月後，王維基喺今晚近八點突然「更新」微博，當然佢冇發表任何回應或者貼新相，佢只係更新咗個微博應用程式，唔知係咪想睇下啲網民或藝人有乜留言呢？而唔少網民都留言話撐佢呀﹗

另外，香港電視旗下藝人黃美棋，亦喺微博發表感受：「我由第一日入呢間公司，佢未有牌，我自問盡我能力將每個工作做好，放200%心機!雖然今日政府有呢個決定，我依然會將每個工作都盡自己能力做好，放300%,400%心機!即使我知道呢條路會更難行，公開的工作會更少更少，客戶未必再用我!!但我希望仲有機會做好自己,要相信希望在明天！！！」