視像裁判（VAR）周二首度喺英國足球壇發揮作用，協助李斯特城喺英格蘭足總盃第三圈重賽主場以2:0擊敗甲組隊費列活特，順利晉級。李城憑住伊恩拿祖（左）分喺43同77分鐘建功，以2:0淘汰費列活特。不過伊恩拿祖射入第二球後，旁證舉旗示意越位，好彩喺VAR協助下，球證鍾斯判入球有效。另一場英足盃重賽韋斯咸要踢到加時，先以1:0淘汰梳士貝利。