王祖藍噚晚11點先嚟，留咗一粒鐘就同太太李亞男一齊走，之後就到鄭嘉穎同陳凱琳(Grace)一齊離開，未知嘉穎係唔係見女友凍，陳凱琳披住嘉穎件外套上車。

嘉穎舊愛周麗淇遲對方半個鐘頭後先步出酒店，另外，楊怡同羅仲謙一齊走人，羅仲謙仲輕輕搭住楊怡條腰上車，在場記者笑言下次就等佢哋嗰餐，楊怡只係笑笑口，未有回應。