EmporioArmani從未試過長期贊助藝人服裝，許志安是首位獲此待遇藝人。前晚安仔到EA的中環店試衫時表示，初出道時沒能力購買該品牌西裝，想不到現在可得到免費提供。

許志安前晚到中環的EmporioArmani服裝專門店試衫，該品牌覺得安仔的低調和含蓄作風很配合其服裝的風格，所以最近答應免費為他提供服裝。前晚安仔特別到EA中環店選擇喜愛的新款時裝，共選了三款輕便服裝。

當年得個恨字
以往EA從未試過用此種形式為香港藝人提供服裝，安仔可說是第一人，前晚他亦開心地向記者說：「以後我只要睇中呢個牌子有乜新款衫，同佢哋講聲就可以攞到，我真係冇諗過呢個牌子會免費提供服裝畀我着。」

裝修方便擺衫
在安仔初出道時，看見張國榮（Leslie）和陳百強（Danny）經常穿該品牌西裝時，曾經很羨慕。
安仔說：「以前我雖然好鍾意呢個牌子嘅衫，但實在買唔起。所以每次見到Leslie同Danny着，我就好想自己都可以有一套，我覺得Danny着Armani西裝係着得最好睇嘅。」
最近安仔家居正在大裝修，將衣帽間擴大了，他說：「我啲衫真係多到冇地方擺，所以先至擴大個衣帽間。𠵱家我每季要花成幾十萬買衫，以後有咗佢哋提供服裝，咁我可以慳番唔少服裝費，真係諗起都開心。」
採訪：李珮洳
攝影：陳偉權