【本報訊】雖然政府推出支援中小企計劃，但業內坦言受惠者有限。例如本港有四間連鎖Party Room的老闆King，開業至今從未向政府申請過任何貸款或資助。即使近期生意受影響，亦無意報名中小企援助計劃，「我哋一向都係賺一間，開一間，應該話我感覺同政府攞嘢嘅難度比較高。程序繁複，要用好多時間，我寧願墨守成規，靠自己雙手慢慢做好過！」

King一向無了解政府資助等項目，但近期稍有聽聞政府會推出一系列中小企援助計劃。他認為，「計劃以資助本地中小企在香港境外宣傳為主，我覺得好似就唔係太關我哋事。我哋係香港人，做嘅係香港人生意。」他亦反問記者，「試問有幾多（中小企）生意會諗住招來香港以外嘅人吖。」

生意跌三成 有分店虧損

King認為援助計劃意圖雖好，「但用錯力，應該先了解我哋中小企需要啲咩先，再去幫我哋。」政府在推廣方面也非常不足，「我哋同其他同行有好多方面根本就唔清楚呢啲資助計劃嘅詳情，有啲咩門檻等等。」

由六月至今，Party Room生意下跌近三成，部份的分店更錄得虧損。King每月要繳交租金十幾萬元，但因為不想「炒人」，惟有繼續開門做生意。被問到業主有否減租共度時難，King稱，「冇減租，加租就有。但有一間就話可以暫緩加租，過幾個月再算」。

記者：張雅琳