【楚雲聲】五班馬有番走勢 狄狄仔幫佢絕地反擊（Cloudy）
蘋果日報 2019/12/10 22:06
做得好Cloudy楚雲聲
做得好剛戰重現走勢
國際賽後，意味住真係季中啦！往年，成班後起之秀教好操好，佢哋就好似混亂中嘅扶手棍咁穩陣。
今年，又唔覺邊隻特別亮眼。唔少朋友都認同佢哋係好似嚟得慢啲，仲話不如買番啲低班游離分子。
頭場五班1000米，「做得好」個分就夠晒低啦！上季廿零卅分都仲識打疊上名拎獎金，而家先啱啱6歲，減到廿分都無，唔買佢都未必有下次咁款。
講真，其實佢狀態一路喺度，但今季四場都相當游離，就算蝕形勢都係咁話。
嗱！去到上場，全程走外疊兼極不利路段都衝少少，完全唔係無影嗰隻，又令我對佢重燃丁點希望啦！
今次窄場排一檔，唔怕後又唔怕出面蝕，仲有狄狄仔呢位入Q拍檔陪住佢，好可能係全世仔最啱「絕地反擊」嘅一次，記得跟前守好位跑自己就得。
腳嘅話，要番識近又保持得幾好嘅「喜勁驥」同「洪荒駿駒」，想博好分就仲有隻游離得更誇張，而終於跑到咁短，唔排除都想玩偷襲嘅「出奇寶」。