狼振英民望一枝獨秀，好多人認為3.25選舉結果已經寫在牆上，唔信？睇埋港大民意研究計劃最新數據，可能多啲啟示。
十大政團評分最新民望，工聯會有50.7分，係唯一合格政團，第二位係民建聯49.1分，兩個政團都係狼振英支持者，民望領先，唔知係咪巧合。第三位係民主黨，評分較上次於去年11月進行嘅調查跌2分，有46.8分，係泛民政團之中最好。
民望跌幅比較顯著嘅係自由黨，佢哋之前力挺唐唐，即使唐唐夫婦為僭建地庫謊話連篇，仍然不離不棄，好有義氣，付出嘅代價係民望跌3.5分至41.7分，難怪田少近日開始轉口風，話寧願投白票，無謂攬住一齊死。