當年今日
關於我們

【贏老公9條街】陳小春之後 港媽Yumiko帶梁浸浸返大陸拍真人騷

蘋果日報 2017/09/22 14:27

真人騷鄭希怡梁浸浸不可思議的媽媽

繼陳小春同囝囝接拍大陸真人騷節目《爸爸去那兒》之後,鄭希怡(Yumiko)之前亦同就快兩歲半嘅囡囡梁浸浸,應邀拍咗一個真人騷節目《不可思議的媽媽》,後日(9月24日)就係騰訊網上視頻播出,共有12集。
節目組日前播出宣傳片,Yumiko接受《蘋果》訪問話,完成咗呢個旅程,覺得同囡囡互相多咗了解,佢又爆其實從來冇試過一個人帶梁浸浸出埠,拍呢個節目係唔可以有任何人幫手,初初拍時都會覺得有啲無助,自己都崩潰咗幾次。Yumiko笑言:「相比拍攝嗰段期間,o依家有重生感覺。不過同囡囡嘅關係真係親密咗,我o依家喺佢心目中嘅地位,贏老公9條街,佢乜都要揾我。」
Yumiko又話接拍呢個節目之前,了解咗成個行程唔會令梁浸浸辛苦,只係去玩,同媽咪完成任務:「大家都好錫梁浸浸,因為佢喺入面係最細嗰個,所以好多嘢都唔駛佢做,只係我做啫。」
見節目預告入面,Yumiko要幫手照顧其他小朋友,問佢有冇信心生多個?佢就講笑話,o依家生十個八個都冇問題。
empty
empty
繼陳小春之後,鄭希怡(Yumiko)亦同囡囡梁浸浸,應邀拍咗一個真人騷節目。(互聯網圖片)
empty
Yumiko接受《蘋果》訪問話,完成咗呢個旅程,覺得同囡囡互相多咗了解(互聯網圖片)
empty
佢又爆其實從來冇試過一個人帶梁浸浸出埠。(互聯網圖片)
empty
Yumiko又話接拍呢個節目之前,了解咗成個行程唔會令梁浸浸辛苦。(互聯網圖片)
empty
Yumiko要幫手照顧其他小朋友,問佢有冇信心生多個?佢就講笑話,o依家生十個八個都冇問題。(互聯網圖片)