香港地寸金尺土，要享受綠色生活唔容易，好多人都會種啲小盆栽或者插花，希望可以美化家居，令辦公室無咁單調，原來除咗靚之外，好多植物都有另類療效，集美化同健康於一身㖭。
用花香味嚟紓緩精神緊張同疲勞近年越嚟越流行，一啲香味療法嘅資料就話，玫瑰花香除咗可以鬆弛神經同解除身心疲勞，對抑鬱呢類比較輕微嘅精神病都有療效。
蘭花有助紓緩神經衰弱，但千祈唔好放得太多，因為蘭花味太濃會令人「頭暈暈」；香味好濃郁、大受女士歡迎喺白蘭花就可以淨化空氣；至於閒時喺屋企插吓菊花，就可以清熱祛風，減低頭痛嘅折磨。

平時花啲心思用鮮花同盆栽佈置吓辦公室，唔單止達到綠化目的，重可以促進工作效率，丁香、茉莉花、紫羅蘭同薄荷，可以令人放鬆心情，覺得好開心同精神爽利，做起嘢上嚟都醒神啲；插啲鬱金香可以去除眼睛疲勞，啱晒啲要成日對住電腦嘅人。
近排流感高峯期重未過，辦公室人多好容易俾人傳染，放啲可以抑制殺菌嘅植物喺枱面，例如玫瑰、石竹、鈴蘭、紫羅蘭同桂花，散發出嚟嘅香味，據說可以病菌，例如肺炎球菌同金黃葡萄球菌嘅生長，對淨化辦公室空氣好有幫助，再放多盆夜晚會吸收二氧化碳、製造氧氣嘅仙人掌，就可以締造一個好香好健康嘅工作空間。
blog主：醫神