下月復活節去巴黎玩，今次唔跟團改為自助遊，但話晒第一次一個女仔自助遊巴黎，梗係同國際漫遊協會資深會員Frankie攞料。
Frankie教路話，去之前搵好當地交通、酒店、景點嘅資料，隨身帶埋筆記簿記低啲資料、行程，寫吓旅遊日誌。係喎，我呢幾日喺書店見到一本叫Moleskine出版嘅巴黎自助旅遊手冊（Moleskinecitynotebook），有晒地圖同當地交通，要成180蚊，咪打畀出版社問吓點解咁貴。
出版社嘅阿Mike話，Moleskine筆記簿有200幾年歷史，畫家梵高、作家海明威都係捧場客。嘩！咁巴閉。佢話最近首次喺亞洲區發行呢部自助旅遊手冊，包括巴黎、羅馬等12個歐洲城巿；仲同法國航空搞咗個旅遊日誌比賽，喺6月30日前，只要用Moleskine旅遊手冊，創作或者係寫低親身嘅旅遊經歷，有機會贏得巴黎機票。
網址係www.moleskineasia.com/voyage。
逢周一至周四刊出