36歲美國女星梅根馬克爾(Meghan Markle) 同英國哈里王子熱戀1年幾，屢次傳來好事近，梅根更被爆將辭演劇集《Suits》，拍完第7季就會搬去倫敦。據英國《Hello!》雜誌報導，梅根同哈里雖然未宣布訂婚，但佢最近為拍《Suits》，上周末被目擊於多倫多拍攝現場穿上白色婚紗，似乎為自己嘅婚禮預先做好準備。

梅根馬克爾上個月同哈里王子親到白金漢宮同英女王會面，3人齊齊下午茶，知情人士透露「二人訂婚已成定局，只係爭在幾時宣布」。佢最近於多倫多趕拍《Suits》第7季，據悉她嘅角色將會同戲中男友Patrick J. Adams步入禮堂，因此上周末已預演婚禮，着上5400英鎊（約5.5萬港幣）嘅白色婚紗。消息人士表示，梅根下個月拍完劇集，就會移居倫敦，同哈里王子準備對外宣布訂婚。

更多娛聞，喺晒《娛果》
http://fb.com/appledailyent