多蒙特周三歐聯作客皇家馬德里，雖然「蜜蜂兵團」已經出局，但係主師保斯係賽前記者會仲識講笑，話射手奧巴美揚好弱雞，叫皇馬唔好買佢。

皇馬今季攻力大不如前，一直有消息指佢哋想簽入奧巴美揚以補強鋒線。保斯就搞笑咁講：「佢好渣，絕對唔配為皇馬效力。我講笑咋，我梗係希望佢留隊啦。佢係一個一級球員，絕對夠班踢皇馬，但我唔想佢咁做。」

皇馬多蒙特今季聯賽同埋歐聯都戰績平平，有傳皇馬領隊施丹將會畀人炒魷，保斯就唔同意：「如果皇馬咁都叫有危機，咁我哋算點先？」多蒙特喺德甲排緊第6位，已經7輪比賽贏唔到波。

----------
係你！打造星級球隊，征服各地聯賽！立即加入『BFB CHAMPIONS 2.0』！
http://bit.ly/2xrTKGM