現年31歲嘅韓國女星李泰林，因於人氣劇《有品位的她》中飾演小三、跟金喜善爭老公而成功上位，頻頻演出節目。日前李泰林演出節目《Taxi》時，自爆已經6、7年冇拍過拖。

節目中，李泰林表示：「我已經6至7年冇男朋友啦。20歲時有過初戀，拍拖5、6年左右，之後就再冇戀愛過。」表示31歲人只拍過一次拖，令在場主持非常驚訝。

至於理想型，李泰林透露：「我鍾意高而且話多嘅男人。」於是眾人推薦節目《真的漢子》男星金永哲，不過立即遭李泰林否定：「但都希望對方外表唔錯。」

以前曾作性感演出嘅李泰林表示，相比演技，佢更苦惱形象問題，因為曾試過性感演出，一直到依家能收到好多跟裸露相關嘅演出邀請，令佢非常傷心。