華將一哥梁家俊今午（22日）沙田第五場四班1400米，夥拍來自蘇偉賢馬房的「喜得福」，一放到底小勝亞軍馬「同歡樂」頸位，爆12倍冷Win捧走花旗盃。

「喜得福」以1分21.38秒，刷新四班1400米班際紀錄時間，舊紀錄是2014年11月30日「英明神勇」的1分21.40秒。

蘇偉賢說：「『喜得福』已七歲了，牠很忠心，牠上場開鑼日夥拍韋達排12檔也跑得第四名，只輸1個馬位唔簡單，反映牠的近期狀態有水準。今場排2檔，形勢比上場好。牠上季有幾場跑得冇咁好，令評分下調，目前評分已有反彈之力。」

「賽前我對馬主表示『喜得福』有競爭力，只是有幾匹對手都幾強，如『深愛』、『巴基之友』等，唔可以睇小牠們，我很開心『喜得福』克服挑戰取得頭馬。」