Cloud青梅竹馬靚仔男友曝光 輸《造星III》贏人氣酬勞加至5位數
蘋果日報 2020/12/29 22:46
雲浩影Cloud全民造星III
ViuTV節目《全民造星III》成為熱話，一班後生仔女的感情生活都引起網民八卦，繼《蘋果》爆出CY（陳澤言）和卡文（關嘉敏）玩姐弟戀，大熱倒灶的「暈姨」雲浩影（Cloud），更被網民踢爆有鬼仔男友Ryan，公開兩人的攬攬放閃合照。
相中的Ryan比Cloud高半個頭，眼大鼻高有陽光笑容，他在IG貼出與女友多張合照，其中一張是在紅館的觀眾席拍攝，紀念兩人拍拖半周年，留言：「I let you into my world 6 months ago, then you became it. Happy half year anniversary babe :))ily x」Cloud的男友相被曝光後，網民留言：「好陽光」、「都幾靚仔，作為fans都祝福，重點係條仔個格唔似mk仔」、「幾好呀，好襯。」、「無事嘅，一日未結婚都仲有機會。」
這張合照攝於2014年，Cloud現年才23歲，即是17歲已跟男友拍拖，問到是否初戀男友？男友是否支持人行？她回覆《蘋果》表示：「同男友都由細識到大，都係青梅竹馬咁，穩定交往咗一段時間，輸咗點安慰我？因為自己冇太大失落，都係過返正常生活，行街食飯，呢幾日最主要係補眠，之前比賽期間瞓得太少，同埋都要少少時間消化下，整頓下。」對於網民讚男友靚仔，她冧爆指男友真的好靚仔，唱歌又好好聽，知道她鍾意食米線，日日陪她食米線都冇怨言。
雖然輸了比賽，但Cloud吸納不少「迷雲黨」，廣告客戶都睇中她有市場，Cloud亦趁機開IG吸金，據知參加《造星》初期出post只有4位數收入，但現已三級跳至5位數。問到可有信心入行做歌手？她表示：「目前都有同唔同公司傾緊，順其自然啦，做到歌手係好嘅，做唔到我都會通過其他途徑唱歌畀大家聽。好多謝大家支持，Follow 我IG，我仲記得去到比賽中段，我個IG都係private嘅，無預到會有咁多朋友支持，感謝佢哋！」
Cloud的男友是外籍人士，笑容充滿陽光。（網上圖片）
Cloud的男友在社交網貼合照放閃，被網民貼上討論區瘋傳。（網上圖片）
2014年男友發表愛的宣言。（網上圖片）
Cloud 在總決賽大熱倒灶。（資料圖片）
Cloud讚男友好靚仔。（網上圖片）
Cloud和男友拍拖6年。（網上圖片）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！