暫以六場頭馬做華將一哥之Vincent何澤堯，以「喜寶駒」首勝三級賽國慶盃，佢嘅熱門交得準，冷門亦照贏畀大家睇，有勇有謀又好鬥志，有時彈起就係咁解。不過跑馬呢回事，最緊要當然係有運，事關佢贏「喜寶駒」，絕對係幸運之神關照，今期隻不明物體「凱歌動」亦要留神！
話說Vincent於國慶盃前主動搵賀賢索騎「兵威振」，但賀賢覺得「喜寶駒」啱何澤堯，可能有意外驚喜，結果Vincent就此建功兼避開「兵威振」熱倒孭鑊。今期「兵威振」同主隻「凱歌動」落入佢手，贏唔贏得就梗係要跑過先知，但呢匹馬薛寶力操過，點知又撞啱停賽，唔通呢件綵衣咁從善如流，輸冇Vincent份，贏馬咁啱歸佢所有？