杜汶澤近日專心營運網台工作，早前他在宣傳新作《G殺》時，聲言會是最後電影作品，戲迷當然希望這是一番戲言。

事實上，阿澤的網台節目每晚都有不少捧場客，早前他到馬來西亞為ViuTV拍《走佬到馬拉》介紹了不少地道美食，一向為食的阿澤，昨晚與《走》的一班台前幕後敍舊，當中包括阿澤的大隻仔健身教練Sam兩夫婦及女化妝師，他們前往灣仔近日大熱的餐廳歎西餐，其間大隻仔更即場接受拗手瓜挑戰。飯後四人意猶未盡，返回大埔屋企繼續玩樂。阿澤當時載着女化妝師到屋企閘口前，忽然閃光燈大作，被兩名疑似狗仔隊狂拍猛影。女化妝師毫無準備下不知所措，被拍下失儀照片。未幾Sam跟太太亦隨後到來，之後四人回到阿澤寓所，到凌晨2時多離開。

阿澤今日接受訪問時，講起被「狂拍」一事，他笑說：「一返到屋企閘口，佢哋就閃光燈，我個friend唔係做呢行，即刻好驚伏低咗，係樣衰嘅。跟住Sam同老婆都到，隔咗冇耐。跟住唔理啦，正常傾偈、飲嘢，2、3點三個都走咗。」阿澤話唔喺香港嘅太太田蕊妮都知他們一班人敍舊，發生狂閃事件後，都有同阿田講番。

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef