沙田馬場今午（9日）舉行八草兩泥賽事，草地用C跑道，度地儀指數2.71，場地掛牌為好地。今日將不會進行壓地。

睇番上季第二次田戰亦係用C欄，當日亦是掛牌好地，三場1200米或以下短途賽分別由「歐洲巨星」、「七彩」及「平湖之星」擺前帶到，反而其餘五場1400及1600米賽事頭馬均守於中間或更後位置，入直路憑後勁衝贏對手，故此大家選馬記得要「短放長追」。

今日第二場「旌暉」三次跑田草C欄1400米獲兩勝，包括上季勝出廣東讓賽盃，憑出色場地性能有力蟬聯錦標。

另外，第八場「巴基之友」上仗初出正是於田C欄後上建功，等番同一移欄再跑可添食。

泥地方面，今日掛牌好地，硬度計指數9.21。今日兩場泥地路程皆為1200米，上季首次跑泥地由「一帆風順」及「皇龍大將」居中後上贏，故此第六場「歡悅星」及第九場「仁愛之星」等擅跑泥地之後追馬可秤先。