已經成為人妻，脫離處女黨嘅鍾嘉欣，將於香港時間本月27日喺溫哥華擺酒，一眾姊妹包括李亞男、王君馨、苟芸慧等噚日已經出發。

溫哥華慢過香港16個鐘，喺當地時間4點30分，苟姑娘、王君馨飛抵溫哥華，李亞男爸爸都有去接機。兩位好姊妹都唔肯講會否舉行婚前派對，只係話所有嘢都係由鍾嘉欣安排，詳情唔清楚。王君馨仲話鍾嘉欣兩公婆有一種「講唔出嘅默契」……

真係好唔慣聽到嘉欣BB個Term要改為「兩公婆」三個字……

至於係咪雙喜臨門呢？苟姑娘都係嗰句：問番鍾嘉欣本人啦。

李亞男就喺當地時間下午12時點抵埗，佢話嘉欣0依家心情好興奮，仲大讚嘉欣老公gentlemen：「佢喺鍾嘉欣心目中係100分。」

處女黨成員抵埗，拿拿聲見面先啦，但相中就唔見岑麗香，未知係唔想上鏡定係未join喇。