當年今日
關於我們

【有料到】上場試準走勢 阿哥增程打橫行(韋倫)

蘋果日報 2018/12/14 23:00

韋倫威勝哥有料到

國際賽過後戲碼回歸平淡,剛周三(12日)谷草夜賽兩場五班1650米屬海軍鬥水兵,今戰(16日)同樣有兩場五班賽,情況亦唔好得剛戰幾多,不過無論陣容有幾弱,每場賽事點都會有一匹馬勝出,不妨從未真正露過實力的馬匹動動腦筋。
第五場五班1400米的呂廐「威勝哥」,至今仍然係三零部隊,不過今季情況唔同,此駒有明顯進步,操足而來可於逞強。現時五歲的新西蘭馬「威勝哥」上季開始出賽,質新馬進度緩慢,八戰表現一無是處,亦因此跑了一季,已能夠在五班上陣。
「威勝哥」今季初出亦全程無段好睇,但到上仗加配眼罩轉跑谷草1200米,走勢大有改善,此駒出閘慢一慢,楊明綸為爭取主動位置,轉第一個彎前已積極推騎,幾乎騎足全場。
「威勝哥」受騎師壓迫下力度一直貫注,儘管只能以第五名衝線,表現已經比前有所進步。
血統顯示「威勝哥」非正宗短途快馬,上仗跟得如此吃力或可證明,今場增程跑田草1400米,起步後跑過500米直路才開始入彎,會比上場跟得更容易,埋門銳意打磨,細馬受操身型甚靚,矛頭直指今仗,力足從低點反彈!