當年今日
關於我們

新抱奶奶齊齊哭
林曉峰娶康子妮全家蜜月

蘋果日報 2002/12/20 00:00


林曉峰和康子妮昨日拉埋天窗,在深灣遊艇俱樂部大宴親朋。康子妮差點遺失母親所送的鑽戒,幸好在坑渠邊尋獲,而一對新人下月將與全家到日本度蜜月。
三十二歲的林曉峰(阿Lo)和二十六歲的康子妮拍拖一年後結婚,昨晚在深灣遊艇俱樂部筵開十五席大宴親朋,早上一對新人向雙方父母敬茶後,下午在窩打老道的YMCA舉行了簡單的基督教儀式,並交換戒指和簽結婚證書。他們表示一家人會在下月到日本度蜜月。

夫婦鬥烏龍
大姑奶林珊珊昨日爆阿Lo的烏龍事,阿Lo自稱朋友少,但最後都有四圍,而新郎哥竟然漏計主家席,差點沒有留位給鄭伊健和陳小春。林珊珊表示送了數千元百佳、住好啲和吉之島禮券,她說:「佢哋平日拍拖都係去呢啲地方嘅啦,咪畀佢哋自己去買嘢咯,咁先最實際。我本來想送刻名嘅筷子,但唔夠時間準備,或者等佢哋生BB先送畀BB啦!」
康子妮手上戴了三隻鑽戒,一隻是婚戒、一隻是母親送的,一隻uncle送,她說:「我頭先大懵唔見咗媽咪送畀我隻戒指,好彩阿Lo嘅朋友喺坑渠邊幫我執返咋!」林曉峰說:「我好開心,噚晚成晚瞓唔着,因為驚今日落雨,所以企咗喺露台度叫個天唔好落雨。」

今夜不設防
對於奉子成婚的傳聞,阿Lo說:「我就想啦!」問他婚後會否不設防,阿Lo說:「係呀,蔡瀾《今夜不設防》呀,盡快啦,最緊要快,要龍鳳胎㖭!」
記者要求一對新人嘴對嘴接吻時,兩人都十分怕醜,康子妮透露自己宣讀誓詞時,喉嚨哽咽,而斟茶時則喊得最犀利,是奶奶帶頭喊先。阿Lo透露因母親中風,說話不太方便,講了句好開心,便不停留眼淚。
阿Lo說:「因為我係屋企最細嘅一個,亦都係結婚搞得最大型嘅一次,又擺酒又行禮,所以媽咪好開心。家姐同我講,兩個人結婚唔容易,最緊要互相忍讓,阿哥(林海峰)話最緊要孝順父母,而阿嫂(彭羚)就話兩個人啲嘢唔好放喺心入面,一定要攤晒出嚟講。」
採訪:楊潔雯
攝影:陳慧安