當年今日
關於我們

蘋果批--信貸收縮系列:車行唔易捱 - 楊卓華

蘋果日報 2008/11/02 00:00


《蘋果批Online》逢星期一、三、五晚上九時開騷
Click入http://pie.appledaily.com收看
歡迎透過web-cam即時發表意見或致電29908648安排親身上場

電郵:mailto:[email protected]
網誌:http://pieatapple.wordpress.com
銀行係「百業之母」,但不幸亦係今次金融海嘯嘅源頭。「百業之母」自身難保,大幅收緊信貸,過去幾年依靠銀行信貸急速膨脹嘅車行,自然受到好大衝擊……

主持:楊卓華 高明輝
1
羅少雄:
可以講「成也銀行,敗也銀行」,因為大部份車行做緊嘅形式係,大概一百蚊本錢,可以做到一千蚊生意;一百萬嘅車收番嚟,我只需要畀十萬蚊,另外將嗰九十萬按畀銀行,銀行收番息,又會畀九十日期你,你賣唔去通常會畀你續期……最近點解會有幾間車行倒閉呢?主要就係𠵱家銀行一到期就唔幫你續,要你贖身,又搵唔到買家,所以啲車價就會冧。
empty
事實上,過去幾年股市暢旺,帶動咗汽車銷售急速膨脹,但呢個情況已經喺今年年中開始逆轉,八月新車登記數量按年開始出現雙位數字嘅跌幅。
empty
2
馮偉賢:
無論高價、中價、低價,全數都係咁(銷量下跌),喺半年前其實呢個現象經已慢慢出現……十幾萬嘅車,銀行都收得好緊,條件好苛刻,(顧客)分分鐘上唔到會,試過一架賣緊七十萬嘅Benz,收車價跌到低過三十萬,都冇人肯接。
empty
羅少雄:
有啲銀行直情唔做,有啲幫你做,但一百萬嘅車只係幫你做一半,要個客大拿拿攞五十萬出嚟,會影響消費意欲,其次係利息高咗,以往可能講係primerate(最優惠利率)減一、兩厘,𠵱家就係primerate加一、加二,咁貴利息,原本想同你買嘅都唔同你買……
3
對比以往經濟低潮,例如九七金融風暴或者沙士時期,你哋覺得今次嘅情況有幾慘烈?
empty
羅少雄:
上兩次陣痛只係一段時間,但今次嘅痛到𠵱家都未見曙光……因為今次係銀行對車行同車主都收緊信貸。

馮偉賢:
沙士嗰時講緊係本來賣緊一百五十萬嘅車,肯一百萬賣出去,但??家(汽車售價)分分鐘仲低,但結果都係冇人接
4
經過今次海嘯之後,以往車行依靠銀行信貸高槓桿嘅經營模式,你覺得會唔會有所改變?
empty
羅少雄:
我諗今次之後,所有車行都感覺得到,銀行係唔可以信晒一間,要信多幾間……(另外)我諗所有銀行都會重新檢討(信貸條件),譬如車主,以往可能只需畀10%首期,將來可能要畀到兩、三成,亦可能要考慮(車價佔)佢收入嘅比例。