賽馬貼士|全日三場重心連贏 三串七過關70蚊本錢以小博大
賽事貼士賽馬賽馬貼士重心三串七穿雲箭
自製過關嘅趣味性同挑戰性,都不下於大彩池,有時回報仲更加可觀!
今次(26日)沙田賽事推介第三場五班草地1400米「天意」,上季贏緊四班同程,計落五班一定上風,上次落番第五班即刻近,潘頓唔肯放手,一定要捧場。
「有錢分」亦係另一匹上季四班頭馬,豐豐一手摸到實,仲抽埋3檔,係前駒心腹大患,一於擸埋。
第六場四班泥地1650米,「兩全其美」上季跑泥地搵啱出路,今季上番第四班都仲可以連場走近,到上賽沿途多多意外之下亦後追第三,睇嚟泥地確係跑高啲。
莫雷拉搏輸都卜定再騎,應該會有料到,排13檔都照捧。
「珍珠鳳凰」今季轉馬房跑四場已經減番到前季贏馬時評分,照計都係時候反彈。
上場直路冇位上,到拉士150米夾硬撬先有位衝,衝過終點仲猶有餘勁,睇番梁家俊近排騎冷門馬咁醒神,呢隻有錢分唔怕博。
第七場四班草地1800米,「機械戰士」連續兩場爆22秒幾最快末段時間,應該有啲質素,潘頓續騎值得支持。
「三圓䮭路」轉蘇保羅度表現夠準,同周俊樂又特別合拍,跑1600米仲啱追,預埋佢。
-----------------------------
經濟環境陰晴不定,周轉困難亦是常事,邦民日本財務讓你安坐家中,貸款一樣可以輕輕鬆鬆到手,網上貸款即時初步批核⦿,星期日都照批★,用轉數快還可以即批即過數^,全新客戶成功貸款可享迎新現金獎高達HK$3,500▲,所以說,解決方法總比問題多!
推廣期由2020年12月1日至2021年1月31日(包括首尾兩天)
須受條款及細則約束,詳情留意邦民日本財務(香港)網頁。