郭富城今日喺九龍灣出席罕見同行活動，擔任「罕愛大使」，活動將聯同香港金像獎等機構於3月推出關愛飛活動讓罕見病童家庭受惠，令大家能融入社會。城城話自己o依家為人父母，更明白作為家長嘅心情，相信有罕見病童家庭父母會很大壓力：「佢哋一方面擔心昂貴藥費，又會擔心出到公眾場所受奇怪眼光，呢個計劃好有建設性，令大家都有權利同其他人冇分別。」

已為人父既郭富城，希望女兒成長其間能教育多關懷社會有需要人士，相信女兒到適當年紀，會一家人一起做義工行善：「相信大家唔會忘記我係傑青，拎咗獎就有義務同責任去行善，我有咗家庭亦有責任教小朋友。」至於可會培育女兒做「小傑青」？城城話：「希望佢可以有機會服務社會，作為父親會覺得係好安慰嘅事。」

精選娛聞，喺晒《娛果》
http://fb.com/appledailyent