經典科幻電影《星球大戰:原力覺醒》（StarWarsEpisodeVII:TheForceAwakens）12月先上映，日前喺美國聖地牙哥舉行嘅動漫展ComicCon已經有好多人扮《星戰》嘅角色，場面好熱鬧。香港嘅星戰迷終於都可以感受呢個熱鬧氣氛。

因為香港迪士尼樂園會於本月27日，喺樂園嘅美國小鎮大街舉行《星球大戰》粉絲巡遊，到時嚟自世界各地嘅《星球大戰》粉絲部隊，包括「帝國軍第伍零壹旅」及「反抗軍聯盟」展示百人部隊列陣嘅氣勢，可算係亞洲最大型星戰粉絲巡遊活動。巡遊嘅舉行時間為正午12點，想睇就要早啲去霸位喇。