《新世紀福音戰士》2019登Netflix 字體出晒事？
蘋果日報 2018/12/02 00:03
聖鬥士星矢新世紀福音戰士Netflix
Netflix最近擴軍至日本動漫界，公佈將會在2019年春季，把日本超級經典動畫《新世紀福音戰士》全套26集電視版，加埋兩套長片《新世紀福音戰士劇場版：AIR / 真心為你》及《新世紀福音戰士劇場版：DEATH (TRUE)² 》全數搬上Netflix上架！而其實除了《新世紀福音戰士》外，就連《ULTRAMAN》、《Knights of the Zodiac：聖鬥士星矢》、《惡魔人 Crybaby》都會陸續在下年播出，絕對是動漫迷福音。
不過呢，有睇Netflix《新世紀福音戰士》官方預告嘅fans（包括記者）或者都會有啲「唔順眼」，事關呢段官方預告入面，好衰唔衰竟然加入咗不少中文字，大大隻咁以為啱原作個feel，但啲字體就完完全全出晒事！可以話係毫無美感，希望正式開播時唔好再出事，好好地畀番原來版本我睇就得喇！
記者：韓繼聰
日本超級經典動畫《新世紀福音戰士》全套26集電視版，加埋兩套長片將於2019年春季全數在Netflix上架！
不過官方預告加入咗不少中文字，大大隻咁以為啱原作個feel，但啲字體就完完全全出晒事！
除了《新世紀福音戰士》外，就連《ULTRAMAN》和《Knights of the Zodiac：聖鬥士星矢》都會陸續在下年播出，絕對是動漫迷福音。