當年今日
關於我們

中環在線:
唐唐新馬首落場跑到冇影 - 李華華

蘋果日報 2015/02/02 00:00


生於富裕之家嘅唐英年既愛嘆紅酒,又愛養馬仔,佢新養嘅馬仔「回眸一笑」噚日首次落場,唐唐帶埋太太郭妤淺一齊入場為愛駒打氣,輕易成為傳媒焦點,見佢兩人喺沙圈睇馬時,心情十分輕鬆,似係對馬仔嘅表現心中有數。
許浩明太太拉頭馬
而呢隻馬仔嘅表現確係相當一般,佢喺第三場出賽,呢場有十四隻馬跑,「回眸一笑」跑第九,可能因為呢隻馬屬於慢熱遲熟馬,需要多啲時間適應喇。其實,唐唐養馬多年,對於馬仔輸贏應該都睇得好開,佢自二○一一年因為忙於競選特首而冇養新馬,家陣可以重拾養馬興緻先至係重點。
同場贏出嘅馬係「甜城效應」,此駒馬主乃舊年八月逝世嘅聯交所前高層許浩明,噚日由許浩明太太與囡囡拉頭馬。許浩明養過多匹馬,除咗「甜城效應」,現役仲有一隻「極速」。
empty
唐唐愛駒首次落場。
empty
許浩明愛駒「甜城效應」噚日跑出,許浩明太太(右二)同囡囡(右三)一齊拉頭馬。