李珊珊日前為「精神健康基金會」拍短片，自揭兩年前患上驚恐症，昨日她在facebook做直播跟網友互動，她重提驚恐症難發覺：「當時我入咗一間醫院，朋友臨走時見我塊面紅晒，後來我開始標冷汗、吸呼困難同掙扎，叫護士入嚟，佢畀氧氣我吸，徵狀持續咗45分鐘。第二日都係咁，之後幾日不停肚瀉脫水，醫生提議轉介我去精神科，畀我遇到劉醫生，我一食藥就冇事，食咗藥兩至三年，進展好好。」

出現夢遊

珊珊認為有情緒病的人要自救看醫生、信任醫生以及準時食藥，佢曾試過有夢遊：「陳梁女士係我身邊好重要嘅人，照顧咗我12年，無論係情緒病定係之前個病，佢喺我身邊照顧我，我怕黑，慣咗開燈瞓，有日見我冇開燈去洗手間，佢問返我乜事，先知我係夢遊，原來啲藥唔適合我，所以同醫生溝通好重要。」她透露病情已穩定，服藥減到只得兩成份量，醫生都話比預期快，她又謂情緒病要找一個信得過的朋友或親人相告，不要一個人承受，也沒想過放棄。之後她提到康復之路不易，多得身邊朋友不離不棄，特別感謝鄭秀文、古天樂和林保怡：「保怡陪過我幾次入醫院，搵佢救駕，唔想成日call白車，感受到香港醫療問題，但唔係呢個病（驚恐症）。試過有人偷影我，佢由心爆出嚟鬧人，未見過佢咁惡，我當時坐喺輪椅攤喺度，佢真係好保護我。」
採訪：嵐山