梁詠琪、薛凱琪、阮小儀、張敬軒和李克勤等，早前在中環拍攝新戲《女人本色》，當日天氣突然轉涼，但由於該場戲講述GiGi新店開幕，所有女演員也要性感打扮到場。

GiGi穿低胸裙，Fiona則穿上背心，直至埋位拍攝前，GiGi也是披着皮褸，而且為免雙腳受苦，不用拍攝時更棄高跟鞋，穿平底鞋方便走動。穿上外套的Fiona也不斷嗌凍，導演黃真真先叫場務關掉冷氣，工作人員更不斷遞上熱水和大褸，極度關心。
至於在戲中追求Fiona的張敬軒，跟對方首次合作，雖然只得數天相對時間，但也為Fiona大平反，他說：「佢同八卦雜誌講嘅性格好唔同，同佢一齊做嘢佢好搞笑，唔似係世界女，同埋佢好大方㗎！第一日合作就請食泰國菜。」

記者問軒仔會否愛上Fiona，他自謙說：「佢咁高，我要高攀，我只係灰領嚟㗎！最開心就係見到GiGi，我係佢fans。」Fiona聽後也大笑說：「佢真係一個好誠實嘅乖孩子，佢好細心，我整親腳之後，佢喺拍戲時會提工作人員拎拖鞋畀我着，我着短裙佢又會提我小心走光。」
此外，在戲中演女強人的GiGi表示現實生活中擔子不多，她說：「我冇家庭負擔，又唔花費，比較注重工作囉！我同戲入面角色幾似，都係勇於面對困難，有乜嘢委屈都可以面對。」在戲中GiGi角色最終在愛情方面有新希望，那麼是否與現實相符？GiGi說：「冇喎！冇乜發展中嘅男仔。」
採訪：王連連　攝影：陳偉權