沙田今次（7月1日）日賽編跑三泥七草，草地用B跑道角逐，出馬十分踴躍，當中在港及服役初次上陣馬共有11匹。

季尾有此熱鬧情況，皆因現時養馬量大增，縱使未夠水準，都要安排上陣，這情況令局勢更呈現混亂。

今次賽事焦點，固然落在大摩身上。今次此廐擺出強陣，且看能否將與蔡約翰的距離拉近？

第五場四班泥地1650米，「勇福星」上仗贏泥地1800米姿態甚輕鬆，季內用得唔多，體力正強。

今次升上四班，跑一哩也有根據，馬房打鐵趁熱再安排上陣，復課毛色較上回更深潤，睇狀態起得更好，有機會再建一功。

「好運」上仗連番意外，能追入亞軍已展現超班實力，復課操養得宜，抽排中檔形勢大好，有權補中。

「鵰神」泥地性能耍家，四戰全上名，雖然排外檔，但肯搶切入守好位，能貼欄就威力大增。「安賦」勇況持續，跑此程更合適，「好腳頭」直路例追一程，都是配腳之選。

-----------------------------
7月4日起 《蘋果動新聞》只限升級壹會員閱覽
繼續撐蘋果！