隔牆有耳：遇上孖六 CY亨通 - 李八方
蘋果日報 2012/04/10 00:00
特區政府安排咗部車牌AM66嘅福士車畀狼振英坐到7.1正式上任為止。外人睇到可能會問點解咁邪，加多個6字就係魔鬼666喎。不過有明眼人就話，呢個車牌好好，好有親切感，因為66咁啱係佢嘅忠實粉絲恒隆集團主席陳啟宗喺強國做生意嘅標記。
恒隆喺強國好出名
恒隆喺香港係二、三線發展商，影響力有限。不過呢，佢喺強國就好出名，名氣唔低過首富誠哥。點解？睇吓佢喺內地搞嘅商場，咪知道囉。恒隆喺上海有個「強國版」置地廣場，中文名叫恒隆廣場，英文名就叫Plaza66。又係66？係呀，因為個場位處南京西路1266號。
見慣名店同行慣高級商場嘅香港人，當然唔會當呢個商場係一回事，不過大部份嘅強國人民，特別係自由行未普及之前，真係冇乜機會行高級商場㗎，所以對好多暴發戶嘅太太、情人同皇帝女嚟講，呢個66商場代表「高品位」同「時尚」。
唔知係唔係因為呢個商場好成功，陳啟宗喺強國嘅個商場（有啲仲起緊），無論係南京、瀋陽、大連、濟南、天津定無錫，都一律命名66。係呀，既然係二、三線發展商，佢嘅商場自然大部分喺二、三線城市啦。
見慣名店同行慣高級商場嘅香港人，當然唔會當呢個商場係一回事，不過大部份嘅強國人民，特別係自由行未普及之前，真係冇乜機會行高級商場㗎，所以對好多暴發戶嘅太太、情人同皇帝女嚟講，呢個66商場代表「高品位」同「時尚」。
唔知係唔係因為呢個商場好成功，陳啟宗喺強國嘅個商場（有啲仲起緊），無論係南京、瀋陽、大連、濟南、天津定無錫，都一律命名66。係呀，既然係二、三線發展商，佢嘅商場自然大部分喺二、三線城市啦。
恒隆喺內地咁多個商場都係叫66。
好在有大水喉射住
所以呢，振英哥其實應該好鍾意個66車牌，因為若果冇66，佢就冇咗條大水喉射住佢，佢個競選辦都唔知可以設喺邊。第二時隻狼上場後，睇怕會唔捨得呢個AM66「幸運車牌」㖭呀。
mailto:[email protected]
mailto:[email protected]
上海嘅恒隆66廣場。