要講起E-kids成員阮民安（Tommy），聯想到嘅係「樂壇小強」，以及GD——係，韓國天團BIGBANG成員G-DRAGON。

唔好掟蛋住，要諗吓，一年到晚咁多人崇拜GD、學GD同抽GD水（邊個就唔開名啦），要學到好似Tommy仔咁，死黐博合照、但被GD開聲講明「而我不知Tommy是誰」（新聞連結： http://bit.ly/2t30YD9 ），仲有佢以一曲《踩唔死我》MV土炮照抄G-Dragon嘅《Crayon》，去到咁，真係邊度搵？

正又正在Tommy氏樂此不疲，任得外界媽媽叉叉，佢有佢繼續老翻GD。

好似今次佢被《蘋果》讀者發現佢踩踭着潮牌vans呢件事，Tommy仔話就話：「係對鞋買細咗，不如踩踭啦…（中略）可能有啲人認為係fashion都唔定。」，但其實呢個都好有可能係老翻GD嘅一個行為。

話說GD舊年就被發現愛踩踭着vans，當然，有人讚係潮流嚟嘅，GD踩踭咪叫隨性囉，慘就慘在今次踩踭嗰個係Tommy仔，而佢上個月被發現踩踭着另一對潮鞋Yeezy，唔通…又係咁啱對鞋買細咗？