西甲波直播時段多為深夜時分，今晚馬體會主場對愛斯賓奴，踢完已經凌晨4點，對於上班族球迷來講，未必有條件睇足全場；又想玩兩手又想睇波的話，打個5折玩「半場主客和」，可能係折衷做法。睇數據，今仗半場開和機會都幾大。

愛軍半場未嘗領先

今仗客軍愛斯賓奴，原來是目前西甲聯唯一未嘗於半場，取得過領先成績返回更衣室的球隊！就連目前於聯賽唯一未開勝門的皇家蘇斯達，都曾經取得過半場領先對手成績；近14場不勝的榜尾球隊塔拉戈納，亦都錄得過半場領先對手紀錄。
觀乎愛斯賓奴迄今13場聯賽半場表現，9次跟對手打和，4次落後；以該隊今日作客環境之下，單計6場作客聯賽半場成績，打和及落後各佔3場。馬體會方面，13輪聯賽有5次半場領先、5次打和對手、只有3次處於落後形勢；該3次落後都於主場所錄得，兩次打和對手，只領先過1次。由是馬體會主場球迷，今季大都未能享受半場休息時段這「廁所位」。鑑於兩軍暫時半場開和比率偏高，今仗「半場主客和」自可向和局埋手。
文：華度