曾喺日本電影系列《20世紀少年》中飾演女主角珈南嘅32歲女星平愛梨，今年初已嫁效力意甲國際米蘭嘅日本國腳長友佑都，昨日二人於東京補辦婚宴，安排300名賓客到場恭賀，除平愛梨圈中人胞妹平祐奈外，更不乏運動界、政治界及娛樂圈中人出席，包括上戶彩夫婦、橘慶太夫婦、清水翔太、ISSA、內田篤人等，當晚平愛梨穿上兩套婚紗及和服展示最靚一面，佢讀出一封寫給雙親嘅信時更感觸落淚。平愛梨同長友佑都去年底舉行結婚記者會時，女方否認退出演藝界，二人又揚言望可生夠11個小朋友。