陳豪與監製戚其義今天於銅鑼灣為有份投資的甜品店主持開幕禮，新舖塞滿賓客，非常熱鬧，而陳豪甚有防疫意識，除去口罩拍照後便馬上戴回，行徑跟昨天大台台慶一樣謹慎。其實昨天逾200藝人的冇罩派對，連透明膠口罩也沒有安排，的確令陳豪擔心，他說：「我成日講，數字低咗唔代表可以鬆懈，要小心防範，可能以後都會係咁，我哋要改變諗法，要諗下點樣防範，經濟方面要重新開始建立，噚日嘅安全問題上係有啲擔心嘅，我明白係啲妝嘅問題，所以唔戴，但係我覺得可以犧牲少少個樣換來安全好啲，因為唔係一個人嘅事，係有連帶性， 真係唔好掉以輕心。」

陳豪跟戚其義是網球波友，閒時也有約會，兩人已經有6年未有合作拍劇，提到跟林文龍合作開劇，戚其義坦言：「係一部時裝愛情，都有少少動作同色情嘅劇，梗係有預埋阿Mo，不過未得阿Mo批准，佢自從做完殺手之後，動作片真係非佢莫屬，佢又有型，邊有咁嘅高度嘅男演員，我覺得佢永遠都係20幾歲。」

問到陳豪可考慮拍這部含色情成份的新劇？他笑說：「監製諗出嚟我都盡量實行。」至於問到戚其義，新劇是否跟亞視有關？他則說：「應該冇，乜唔係分公司？我係未得阿Mo批准嘅，想包拍，不過問題好複雜。」他又指新劇是因疫情關係一拖再拖，因為疫情開拍風險很大，現時預計明年3月開拍，他說：「疫苗都應該出埋啦，如果唔出我自己搵藥食。」戚其義又看好陳豪今年當視帝，問陳豪有信心嗎？他說：「OK啦！睇今年運氣好唔好。」至於疫市開新舖，陳豪指這是第2間店，他說：「有危先有機，而家好多舖嘅租金都有調整，入市係有少少優勢嘅，再開就要睇下先，唔可以咁心雄，始終投資要小心，步步為營。」

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！