英國巨胸模特兒佐敦（KatiePrice）不停拆彈又隆胸，連佢個10歲嘅囝囝都忍唔住喺節目話阿媽隆胸次數太多。噚日，佐敦喺Instagram公開咗張拎住兩個僭建物喺胸前嘅相，話會將個拆彈拎出嚟賣，佢出價100萬金磅，即係成1,100萬港紙，仲留低聯絡e-mail話買家可以去佢屋企拎。

基於噚日係愚人節，網民都當佢講笑，留言話呢個畀得呢個價，就唔止淨係要佢個拆彈。但佐敦似乎見冇人信，隔幾個鐘後就好認真咁再留言，話已經過咗12點，愚人節嘅大話係唔會過第二日嘅，不過佢作到咁大，依然冇人信佢。