張可頤（Maggie）與譚耀文（阿譚）相識多年，彼此惺惺相惜，早於95年播出劇集《隋唐群英會》經已是同劇演員，可惜多年來一直只有同劇機會，未有對手戲緣份，直至今次香港首套迷你劇《東方華爾街》，撮合兩人首次合作。

日前他們於尖沙嘴接受本報專訪，同樣飾演金融顧問，跟吳鎮宇及張孝全組成精英團隊，於金融風暴中協助港府救市，更化身為白武士去改變股票是大亨及有錢人的壟斷投資情況，希望助小市民有機會參與股票買賣分一杯羹。

首次接觸金融故事題材劇本，配合整個劇的卡士陣容，令Maggie感覺非常有新鮮感，雖然拍攝時間短，但過程非常好玩，阿譚亦大表同意，更自爆從Maggie演劇集《難兄難弟》開始便是對方Fans，逗得Maggie甜笑起來，Maggie表示一向欣賞阿譚，覺得對方是多元化兼有爆炸力演員。

相隔多年再跟吳鎮宇合作，Maggie指有份全新感覺，她說：「佢唔准我睇劇本，劇本喺屋企知道講乜就得，對白唔使記，妳嚟到都唔會對到接到，佢畀我一種喺現場同對方、環境點融合嘅體驗，好似就地取材煮嘢食咁，應該係多啲去吸取現場感覺，即場發揮，咁樣我覺得好玩好多，少啲IQ都跟唔上佢哋。」在旁阿譚即反對說：「佢喺片場係『問題少女』，好多問題喺拍戲時，佢會話咁樣、但係呢、又唔係喎，有好多問題考起我哋。」

Maggie在阿譚眼中是好聰明女演員，處事爽快，任何意見都可以傾談接納，又願意配合大家。Maggie笑指跟他們3位型男合作時，就有種似兄弟感覺，可能本身有男性化一面，所以今次合作經驗令她覺得倍加過癮，話到此事，阿譚又忍不住再讚Maggie說：「都要個樣似女仔，又要靚、又要性格爽朗，兩者兼備都係得佢。」

劇中與張孝全有感情線，Maggie笑言非常幸運跟型男有姊弟戀情緣，Maggie說：「呢個部份好貼近呢個年代，因為以前係會Say No，今次感覺都幾Sweet，雖然戲入面冇好深入，但會觸碰到種感覺，我記得有一場戲講我哋收工去飲啤酒告白，我就教佢捲煙，之後個劇下半部每逢佢捲煙都會諗起我，感覺好浪漫。」

首次參與迷你劇製作，Maggie指迷你劇在歐美非常盛行，因為劇集內容不似電影般濃縮，但又不似普通劇集太長篇，因此只要突然有一晚時間，便可以一氣呵成看畢五集，當中會有不少劇情故事讓你追看，非常有滿足感。《東方華爾街》於不同頻道播放，當中騰訊視頻播出兩個半星期，於內地的點擊已錄得超過一億三百萬次，點評亦獲得9.1分佳績。

場地提供：Marco Polo Hong Kong

精選娛聞，喺晒《娛果》
http://fb.com/appledailyent