科幻經典系列《星球大戰》第7集《星球大戰：原力覺醒》（StarWarsEpisodeVII：TheForceAwakens）下個月就會上映，早前官方公開咗一段終極預告片，話係最後預告片，但原來噚日日本公開嘅新預告片，都仲有啲未公開過嘅鏡頭出現。

噚日日本舉行咗為迪士尼粉絲而設嘅活動D23ExpoJapan，除咗機械人BB8有上台碌嚟碌去之外，當中仲播放咗新預告，又話有全球首次曝光的鏡頭出現，包括DaisyRidley飾演嘅女主角Rey，被奸角KyloRen殺到埋身，喺佢身後用激光劍指嚇佢；另外仲有Rey同BB8首次遇見嘅場面，見到BB8喺沙漠碌吓碌吓。據日本傳媒話，呢段新片段主要係預告女主角Rey同其他人物嘅關係。