出道多年嘅日本三人組合w-inds.，一向於香港儲落大批fans，所以不停嚟開騷同fans見面，w-inds.剛剛又宣佈相隔上次香港演唱會1年多後，再於本年11月1日，假九龍灣國際展貿中心舉行第6次香港演唱會，門票最貴索1,280港元。

由千葉涼平、橘慶太同緒方龍一組成嘅w-inds.，自2007年起獲邀於天馬艦演出回歸十週年演唱會後，2009年開始已六度於香港開騷，佢哋上月初亦推出新碟《BlueBlood》，相信今次開騷都會演出唔少新碟作品！