韓國19歲女星金裕貞孖31歲男星尹均相主演嘅JTBC新劇《先熱情的打掃吧》上周一首播，收視、口碑都唔錯，而劇集噚晚播出第3集，金裕貞、尹均相仲進展神速，上演劇中初吻，刺激收視微升至3.483%。

噚晚一集講到金裕貞成為尹均相嘅清潔公司嘅員工，而佢鍾意咗多年嘅前輩亦表示想同佢拍拖，但首集交代到金裕貞睇清楚前輩嘅為人，所以毅然拒絕對方。但某一日前輩見到佢喺清潔公司做嘢，就嘲笑金裕貞，金裕貞為咗面子就求尹均相扮佢男朋友，尹均相當然唔答應，不過隨後金裕貞就突然咀嘴尹均相，而兩人之間嘅關係亦因為呢一吻而有所改變。

精選韓流，喺晒《娛果》
http://fb.com/appledailyent