江欣燕（欣欣）同妹妹江希文都曾經歷離婚傷痛，幸一家人夠齊心，前年江爸爸因癌病離世，欣欣為免媽媽一個人獨居，年初已主動搬返屋企住。欣欣話﹕「我有廿幾年冇返屋企住，返去之後媽咪同我都好開心，我覺得係我需要屋企多過媽咪需要我。」 (相關新聞﹕ https://bit.ly/2rivjtT )

日前欣欣仲帶埋媽媽，陪妹妹江希文嘅5歲囡囡永悅一齊到主題公園玩咗一日，三代同堂，非常溫馨。江希文喺facebook上載大合照，欣欣雖然已經51歲，但同47歲嘅江希文一樣，依然好似以前咁明艷照人。欣欣透露因為希文母女嘅主題公園全年入場證快到期，所以欣欣呢位姨媽就決定自掏腰包買入場卷陪佢哋一齊玩。

見永悅年紀輕輕好識搶鏡，一時托腮，一時舉V字，又依偎係媽媽江希文身邊扮瞓覺，好搞笑。江希文透露一家人今次自備低糖午餐，當中有雞槌及水果，夠晒健康，佢話﹕「今次自備低糖午餐不用浪費金錢吃不該吃的，謝謝姨媽(江欣燕)自費一次入場來陪我們玩。」

精選娛聞，喺晒《娛果》
http://fb.com/appledailyent