西甲馬德里體育會周四迎接兩位加盟嘅新兵，為咗隆重其事，鋪上紅地氈之餘，仲搵咗前鋒基沙文同後衛菲臘路爾斯親自頒發球衣，分別係8號……咦，點解兩件都係8號嘅？仲有8號唔係中場新星沙奧尼古斯嘅波衫號碼咩？唔通佢咁快確定走人？

戴番個頭盔先，原來係即將喺香港上映嘅電影《狂野時速8》（Fast & Furious 8）周四去到馬德里造宣傳，基沙文同路爾斯只係一盡地主之誼，向兩位主角查理絲泰朗（Charlize Theron）同雲迪素（Vin Diesel）送上波衫留念啫，其中基沙文仲獲呢位南非影后送上愛的抱抱，這些機會不是屬於你的！