韓國MBC電視台早前被爆有內部黑名單，各員工因政治立場而被劃分等級，待遇亦會有所不同，令一眾員工大感憤怒而決定大罷工，多個節目同劇集受影響，好似MBC王牌綜藝節目《無限挑戰》已於本月9號起停播。

而由韓藝瑟、金基石主演嘅《20世紀少男少女》早前曾來港取景，日前亦因為罷工而中斷拍攝，不過早前已正式復工開拍，原定今晚首播，但MBC嘅節目表就顯示，今晚將會播出網絡劇《三色幻想─生動戀愛》嘅第一集，而《20世紀少男少女》將會延至10月2號才首播。